АУДАН ӘКІМІ Н.МҰСАБАЕВ
Қазақстан Республикасының Президенті мен Үкіметінің өкілі ретінде аудан аумағында жалпы мемлекеттік саясатты жүзеге асырады. Қазақстан Республикасының Конституциясы мен Заңдарының, Президент Жарлықтары мен өкімдерінің, Премьер-Министр, Үкімет және облыс әкімі актілерінің бұлжымай орындалуын, аймақтық мүдделердің жалпы мемлекеттік мүдделермен орайлас болуын қамтамасыз етеді.
Экономика мен әлеуметтік салаға реформаларды жүргізуге жалпы басшылықты жүзеге асырады, дағдарыстарды жеңу жөніндегі жұмыстарды жолға қояды. Қазақстанның 2030 жылға дейінгі даму стратегиясына сай аумақты дамытудың келешек бағдарламларын әзірлеуге және жүзеге асыруға басшылық етеді.
Жергілікті атқарушы органдардың басшыларын Қазақстан Республикасы Мемлекеттік қызмет істері жөніндегі агенттігінің облыстық басқармасымен келісе отырып тағайындайды және қызметтен босатады, басқармалар, комитеттер мен бөлімдердің, қала, кент, ауылдық округтер әкімдерінің іс-қызметіне басшылық жасайды.
АудандықҰҚК бөлімшесінің, аудандық прокуратура және аудандық соттың заңды және жеке тұлғалардың мүдделері мен құқын, еркіндігін қорғауға бағытталған жұмыстарын бірлесіп атқаруын ұйымдастырады.
Аудан әкімі жанындағы экономика қауіпсіздігі және инвестиция тарту жөніндегі үйлестіру Кеңесін басқарады.
Қазақстан Республикасының Конституциясының, Қазақстан Республикасы заңдарының, Президент Жарлықтарының және басқа да жоғарғы мемлекеттік органдардың актілерінің аудан аумағында сақталуын бақылайды.
